كل عام وأنت بخير .. أداة نصب في وضح النهار

متلي متل كتير ناس .. أخدت هالسيارة على المغسلة .. أعمللها حمام العيد

بعد ماكان إلي شي أسبوعين عبتتوسخ وبقول لحالي يالله عالعيد بعمللها غسلة

المهم .. أخدت هالسيارة .. وبدعستين كنت عند أقرب مغسلة .. قريبة ..

وبما أني أحد الزبائن القدامى لهالمغسلة بعرف أنو تعسيرة الغسيل الشامل 150 ل.س

والله الشباب غسلوها ونضفوها وجهزوها ..

وإذ بناديلي العينتين : تفضل أبو الشباب السيارة جاهزة

أنا : الله يعطيك العافية تفضل وهي 150 ل.س

وأتابع طريقي إلى السيارة

العينتين : كل عام وأنت بخير

إي وأنت بألف خير .. حبيب ألبي

وبيحلف يمين إلا بدو يفتح باب السيارة هو ..

وأنا مساوي حالي غشيم ..

كل عام وأنت بخير مرة تانية ..

وأنت بألف خير انشالله بينعاد عليك بالأحسن يارب ..

والله تعبنالك عالسيارة يامعلم ..

إي الله يلبسكون العافية .. فعلاً تعبتو الله يعطيكون العافية .. وضرت مرش السيارة

الزلمة طاول ظوظت معو الحكاية .. قام قالها بالألم نشرح

حبيب العيدية الله يرزقك ..

قلتلو إينا عيدية … آها آها .. صحييييييح أجا العيد .. (ولي على طولي ماكان يمل)

شلت وعطيتو 50ل.س أخدها ومو عاجبتو منوب منوب ..

المهم رجعت عالبيت وإذا .. أخوي بالبيت وبدو ياخد سيارتو عالمغسة كمان

قلتلو خلص أنا باخدلك ياها .. والله نطيت كمان بدعستين صرت عند نفس المغسلة عند نفس الزلمة

بعد ما خلص العينتين .. قلتلو تفضل معلم هي الحساب وهي 150 ل.س

قام أخونا ساوا حالو بحياتو مو شايفني قبل هالمرة (مع أني من خمس دقايق كنت عندو )

وقلي كل عام وأنت بخير ..

طوطت الحكاية معي .. وقلتلو كمان هالمرة كل عام وأنا بخير ..

قام قلي ليش شو في (مستغبياً ) قلتلو لسا من خمس دقايق عطيتك العيدية

قام قللي ها هااااااااا .. إي هي غير هديك يامعلم

قلتلو لك روح تضرب أنت والعيد .. وساعة العيد .. يا أخي بطلت أعيد أنا

ما جاي على بالي عيد .. أنت أخو مراقي شي ..

حل عن سماي .. ينعن أخت هالمصلحة معكون

ونعتذر عن ذكر بقية الموضوع لأسباب تقنية…

__________________